Sjónvarpsvigtunin fyrir UFC 202 var að klárast. Allt fór nokkuð friðsamlega fram en fjórir lögregluþjónar voru til staðar þegar Conor McGregor og Nate Diaz stigu á sviðið.
Það vantaði ekki æsinginn hjá Conor McGregor og Nate Diaz þó allt hafi farið vel fram. Báðir menn voru æstir og mikil spenna í loftinu en Dana White og fjórir lögregluþjónar sáu um að allt færi friðsamlega fram.
FIREWORKS!! Today’s square off between #ConorMcGregor and #NateDiaz was ????! The time for #UFC202 is almost here.https://t.co/XXZA8WQGXy
— FOX Sports: UFC (@UFCONFOX) August 19, 2016
Eftir vigtunina höfðu báðir ýmislegt að segja. „Hann hefði átt að drepa mig þegar hann fékk tækifærið. Núna er ég kominn aftur og ég ætla að drepa þig og allt liðið þitt,“ sagði Conor McGregor við Nate Diaz.
Nate Diaz svaraði á sama vinsamlega máta: „Ég æfi alltaf vel til að drepa. Hann er dauður síðan síðast. Þetta er nýr maður. USA motherfuckers.“ Það vantar ekki æsinginn í menn. Kappið hefur greinilega borið þá ofurliði enda menn farnir að senda morðhótanir.
Hér að neðan má sjá vigtunina í heild sinni.
