Bellator og BAMMA héldu sameiginlegt bardagakvöld í The 3Arena í Dublin í gær. Kvöldið var óformlega kallað Bammator og mátti þar sjá nokkur fín tilþrif.
Fyrstu bardagar kvöldsins voru hluti af BAMMA 27 en síðustu fjórir bardagarnir hluti af Bellator 169. Í aðalbardaga kvöldsins mættust þeir Muhammed ‘KingMo’ Lawal og Satoshi Ishii. King Mo fór með sigur af hólmi eftir dómaraákvörðun en hann mun svo keppa aftur í lok mánaðar í útsláttarkeppni Rizin FF í Japan.
Moneyweight or Heavyweight @KingMoFH can still get the slam and the win!#Bellator169 pic.twitter.com/umUpaysyaE
— Bellator MMA (@BellatorMMA) December 17, 2016
Íslandsvinurinn James Gallagher er nú 5-0 sem atvinnumaður eftir sigur á Anthony Taylor í gær. Gallagher æfir hjá SBG í Dublin og hefur margoft komið til Íslands við æfingar. Gallagher kláraði Taylor með „rear naked choke“ í 3. lotu en þetta var annar bardaginn hans í Bellator.
A HUGE takedown for @StrabanimalMMA! #Bellator169 pic.twitter.com/H7Gi0L3IsV
— Bellator MMA (@BellatorMMA) December 17, 2016
Af bardögunum í BAMMA má helst nefna að einn efnilegasti bardagamaður heims utan UFC, Tom Duquesnoy, varði bantamvigtartitil sinn í gær þegar hann sigraði Alan Philpott með hengingu í 2. lotu. Duquesnoy hlýtur að fá samning við UFC fljótlega en sá franski lítur afar vel út og virðist vera tilbúinn fyrir UFC.
Tom Duquesnoy def. Alan Philpott via submission (RNC) in R2. Improves to 14-1-1. #BAMMA27 pic.twitter.com/KfBLwMptjr
— caposa (@Grabaka_Hitman) December 16, 2016
