Birgir Örn Tómasson mætir Litháanum Paulius Zitinevius í kvöld. Bardaginn fer fram á King of the Cage bardagakvöldinu í Litháen og verður bardaginn sýndur beint á Facebook.
Birgir Örn er 3-0 sem atvinnumaður og hefur klárað alla sína bardaga með rothöggi í 1. lotu. Hann stefnir á að klára Zitinevius með rothöggi í kvöld eins og vaninn er hjá honum en bardaginn fer fram í léttvigt.
11 bardagar eru á dagskrá á King of the Cage bardagakvöldinu í kvöld en Birgir er í 9. bardaga kvöldsins. Bardaganum verður streymt í gegnum opinbera Facebook síðu Birgis hér og reiknar Birgir með að sinn bardagi hefjist um 18 leytið eða síðar.
