Brock Lesnar á ekki sjö dagana sæla þessa dagana. UFC tilkynnti í dag að Brock Lesnari hafi fallið á öðru lyfjaprófi.
Alheimurinn fékk að vita á föstudaginn að Brock Lesnar hefði fallið á lyfjaprófi. Það próf fór fram þann 28. júní og var utan keppnis. Nú hefur komið í ljós að Lesnar féll á öðru lyfjaprófi sem tekið var í keppni. Í keppni er skilgreint sem 12 klukkustunda gluggi fyrir og eftir bardaga.
Brock Lesnar mætti Mark Hunt á UFC 200 þann 9. júlí. Lesnar sigraði bardagann eftir dómaraákvörðun en að öllum líkindum mun sigurinn verða dæmdu ógildur.
Bæði lyfjaprófin sem Lesnar féll á innihéldu sama bannefnið. USADA mun ekki greina frá þeim efnum sem fundust í lyfjaprófinu fyrr en Lesnar greinir sjálfur frá þeim. Íþróttasamband Nevada fylkis gæti þó greint frá efnunum þegar málið verður tekið upp.
Brock Lesnar fór í átta lyfjapróf á fjórum vikum í aðdraganda bardagans. Hann stóðst fyrstu fimm prófin en hefur greinilega fallið á síðustu þremur prófunum. Lesnar mun fá tveggja ára bann verði hann fundinn sekur. Þó Lesnar hafi fallið á tveimur lyfjaprófum mun þetta líklegast teljast sem eitt brot á lyfjastefnu UFC.
Kemur þetta virkilega einhverjum á óvart? Þetta ætti ekki einu sinni að koma UFC á óvart og er þeim hreinlega til skammar.
“Það próf fór fram þann 28. júlí”, á þetta ekki að vera 28 júní ?