Írski bardagamaðurinn Cathal Pendred berst gegn John Howard í kvöld á UFC 189. Pendred kemur inn í bardagann með skömmum fyrirvara.
Pendred hefur verið mikið gagnrýndur á samfélagsmiðlum og Reddit spjallborðinu. Á Reddit er hann kallaður G.O.A.T. (Greatest of all time) af kaldhæðni. Hann er engu að síður 4-0 í UFC og mun freista þess að sigra sinn fimmta bardaga í UFC um helgina.
