Conor McGregor var í ítarlegu viðtali við þáttinn Beyond the Octagon sem sýndur er á BT Sport á dögunum. Í viðtalinu talar hann m.a. um TUF, fræðgina og auðvitað Jose Aldo.
Conor McGregor er sennilega ein stærsta íþróttastjarna Írlands og talar hann um fræðgina í viðtalinu. Í fyrstu hafi honum þótt athyglin full mikil en nú hefur hann vanist þessu og er hann gífurlega þakklátur fyrir stuðninginn sem hann fær.
McGregor mætir Jose Aldo á UFC 194 í desember. Kapparnir áttu upphaflega að mætast á UFC 189 í júlí en skömmu fyrir bardagann meiddist Aldo. McGregor telur að Aldo muni ekki heldur mæta til leiks í desember.
Í hans huga er enginn vafi á hver sigrar. Sú hugsun um að tapa er ekki til í hans huga. McGregor er bara rétt að byrja en viðtalið má sjá hér að neðan.
