Conor McGregor var hrókur alls fagnaðar á blaðamannafundinum eftir UFC 194. McGregor þótti leitt að sjá Gunnar, æfingafélaga sinn og vin tapa.
„Ég var niðurbrotinn að sjá Gunna tapa. Hann er að stækka og er að upplifa stærri niðurskurð núna. Þetta var ekki sá Gunnar Nelson sem við þekkjum. Hann hefur þetta allt, þetta er á leiðinni,“ sagði Conor á blaðamannafundinum í gær um Gunnar.
Gunnar tapaði fyrir Demian Maia eftir dómaraákvörðun og hafði Maia yfirburði nánast allan bardagann.
„Það var leitt að sjá tapið en það verður að gefa Maia virðingu. Þetta var fallegur bardagi af hans hálfu. Gunni kemur til baka, hann mun vaxa. Eins og John Kavanagh hefur alltaf sagt, við sigrum, eða við lærum.“
