Dagmar Hrund Sigurleifsdóttir sigraði Levi Steedman fyrr í kvöld á Evolution of Combat bardagakvöldinu í Morecombe í kvöld. Bardaginn fór allar þrjár loturnar og vann Dagmar eftir klofna dómaraákvörðun.
Bardaginn fór fram í 57 kg fluguvigt en um áhugamannabardaga var að ræða og var þetta annar MMA bardagi beggja.
Bardaginn var mjög jafn og fór mikið fram í „clinchinu“. Dagmar endaði á að sigra eftir klofna dómaraákvörðun og er því 1-1 á MMA ferlinum. Dagmar var hæst ánægð með sigurinn ef marka má viðbrögð hennar eftir sigurinn.
