Wednesday, April 24, 2024
HomeForsíðaDiego Björn fær óvænt bardaga á laugardaginn í Færeyjum gegn miklum reynslubolta

Diego Björn fær óvænt bardaga á laugardaginn í Færeyjum gegn miklum reynslubolta

Mynd: Kjartan Páll Sæmundsson.

Diego Björn Valencia er óvænt kominn með bardaga í Færeyjum á laugardaginn. Bardaginn verður aðalbardagi kvöldsins en andstæðingur hans er með 90 bardaga að baki!

Diego Björn Valencia (1-1) hefur ekkert barist síðan í maí í fyrra. Þá tapaði hann í sínum öðrum atvinnubardaga eftir klofna dómaraákvörðun í Danmörku.

Bardaginn á laugardaginn fer fram á North Atlantic Fight Night kvöldinu í Færeyjum. Upphaflega átti heimamaðurinn Fróði Hanson að mæta Shaun Lomas í aðalbardaga kvöldsins en nú hefur hann þurft að draga sig úr bardaganum. Diego kemur því inn með tæplega tveggja daga fyrirvara.

Andstæðingur hans, Shaun Lomas (22-68), er gífurlega reyndur. Hann er breskur og hefur barist við UFC bardagamenn á borð við Jimi Manuwa, Claudio Henrique da Silva, Jack Marshman, Jimmy Wallhead og Danny Roberts. Þá eru þekkt nöfn á borð við Liam McGeary (fyrrum léttþungavigtarmeistari Bellator), Scott Askham (var nýlega í UFC) og Danny Mitchell (var í UFC og mætti Gunnari Nelson 2010) á ferilskránni hans en ekki hefur honum vegnað vel gegn þessum köppum.

Bardaginn fer fram í léttþungavigt (93 kg) en Lomas er afar duglegur að berjast. Í fyrra tók hann 15 bardaga og sjö bardaga árið 2015.

Það verða því fjórir Íslendingar á bardagakvöldinu í Færeyjum eftir allt. Þeir Björn Lúkas Haraldsson, Þorgrímur Þórarinsson og Bjartur Guðlaugsson berjast einnig í Færeyjum á sama kvöldi á laugardaginn en bardagi Björns Þorleifs datt út á dögunum.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular