Grettismót Mjölnis fer fram á morgun, laugardag, í fimmta sinn. Keppt er í brasilísku jiu-jitsu í galla og fer mótið fram í húsakynnum Mjölnis í Öskjuhlíðinni.
Tæplega 40 keppendur eru skráðir á mótið frá fimm félögum. Keppt er í fimm þyngdarflokkum karla og þremur þyngdarflokkum kvenna auk opinna flokka.
Mótið fór fyrst fram árið 2013 og hefur verið fastur liður á haustin undanfarin ár. Líkt og undanfarin ár eru veitt sérstök verðlaun fyrir uppgjafartak mótsins.
Mótið hefst kl 11 á morgun þann 7. október en keppendur mæta kl 10. Þyngdarflokkana má sjá hér að neðan:
Karlar: -68 kg, -79 kg, -90 kg, -101 kg, +101 kg og Opinn flokkur karla
Konur: -64 kg, -74 kg, +74 kg og Opinn flokkur kvenna
