Grettismót Mjölnis fer fram á morgun í Mjölniskastalanum. Alls eru 54 keppendur skráðir og má því búast við hörku móti á morgun.
Þetta er í þriðja sinn sem glímumótið er haldið en keppendurnir 54 koma frá fjórum félögum. Mótið hefst kl 11 og er aðgangseyrir 500 kr. fyrir áhorfendur.
24 keppendur eru skráðir í -79 kg flokkinn og er það stærsti flokkurinn en keppt er í galla (Gi.)
Daði Steinn úr VBC er skráður til leiks en hann sigraði opna flokkinn á mótinu í fyrra. Hann hefur því titil að verja á morgun og verður gaman að sjá hvort hann nái að sigra flokkinn annað árið í röð.
Af keppendunum 54 er aðeins ein stelpa skráð til leiks og mun hún keppa í -68 kg flokki ásamt fimm öðrum strákum.
Mótið mun standa fram eftir degi á tveimur völlum. Fyrstu flokkarnir sem byrja eru -90 kg flokkur og -79 kg flokki.
