Gunnar Nelson mun ekki þurfa að vefja hendurnar á sér í kvöld fyrir bardagann gegn Alan Jouban. Þá ætlar Gunnar að vera með minni hanska en venjulega.
Gunnar fékk að sleppa vafningunum í sínum síðasta bardaga gegn Albert Tumenov en Gunnar æfir aldrei með vafninga. Gunnar segist fá betri tilfinningu fyrir höndunum ef hann er ekki með vafninga. Gunna sagði eftir bardagann gegn Tumenov að hann vildi helst vilja berjast án hanska.
Gunnar hefur vanalega verið í stóru hanskapari (large) en ætlar nú í lítið hanskapar (small). Með minni hönskum er auðveldara að komast undir hálsinn til að ná t.d. „rear naked choke“ hengingu. Hanskarnir voru teygðir og togaðir til að mýkja þá svo Gunnar kæmist í þá.
