Gunnar Nelson átti frábæra frammistöðu í gær þegar hann sigraði Alan Jouban með hengingu í 2. lotu. Við spjölluðum við hann í dag á hótelinu um bardagann, samtalið við Alan Jouban og framhaldið.
Gunnar Nelson var eðlilega mjög sáttur með sigurinn og leið honum hrikalega vel í búrinu. Gunnar ákvað að hita frekar lítið upp áður en hann steig í búrið en þó meira en hann ætlaði að gera þar sem þeir byrjuðu að hita upp aðeins of snemma.
Það verður áhugavert að sjá hvern Gunnar Nelson fær næst og enginn einn andstæðingur sem honum langar mest að mæta en viðurkennir að það væri gaman að mæta Stephen Thompson. Thompson barðist um titilinn nýlega þar sem hann tapaði eftir dómaraákvörðun en óvíst er hvenær hann vilji snúa aftur í búrið.
