Gunnar Nelson mætir Santiago Ponzinibbio annað kvöld á UFC bardagakvöldinu í Glasgow. Fyrr í kvöld rakaði hann lubbann af og er kominn með alvöru bardagaklippingu.
Gunnar Nelson er búinn með allar sínar fjölmiðlaskyldur og mun ekki sjást aftur fyrir framan upptökuvélarnar fyrr en hann gengur í búrið annað kvöld. Þegar hann tekur gönguna í búrið mun hann skarta snoðuðum haus.
Eftir að hafa tekið góðan kvöldmat á steikhúsi fyrr í kvöld var hárið rakað af upp á hótelherbergi. Jón Viðar Arnþórsson sá um raksturinn en þetta er ekki í fyrsta sinn sem hann snoðar Gunnar.
Gunnar er í aðalbardaga kvöldsins í Glasgow en bardagakvöldið hefst kl 19 á íslenskum tíma annað kvöld. Sex bardagar verða á dagskrá en Gunnar er í síðasta bardaga kvöldsins. Bardagakvöldið verður sýnt á Drukkstofunni í Mjölni, Stöð 2 Sport og á Fight Pass rás UFC. Hér má sjá bardagakvöldið og nákvæmari tímasetningar.
Hér að neðan má sjá myndirnar af Gunnari en myndirnar tók tók Sóllilja Baltasardóttir.
