UFC bardagakvöldið í Glasgow fer fram annað kvöld. Þar berst Gunnar Nelson við Argentínumanninn Santiago Ponzinibbio en hvenær byrjar fjörið?
Fyrsti bardagi kvöldsins hefst kl 16 að íslenskum tíma á sunnudaginn en 12 bardagar verða á dagskrá. Aðalhluti bardagakvöldsins hefst svo kl 19 en Gunnar Nelson er í síðasta bardaga kvöldsins og ætti því að byrja milli 21 og 21:30. Það fer eftir því hversu snemma bardagarnir á undan klárast en UFC reiknar yfirleitt með um það bil 30 mínútum í hvern bardaga. Allir bardagar kvöldsins verða aðgengilegir á Fight Pass rás UFC en aðalhluti bardagakvöldsins verður sýndur á Stöð 2 Sport.
Eins og kom fram í morgun náði Joanne Calderwood ekki vigt og verður bardagi hennar og Cynthiu Calvillo því í hentivigt. Upphaflega átti bardaginn að fara fram í 115 punda strávigt kvenna.
Aðalhluti bardagakvöldsins (hefst kl 19)
Veltivigt: Gunnar Nelson gegn Santiago Ponzinibbio
Hentivigt (118 pund): Joanne Calderwood gegn Cynthia Calvillo
Léttvigt: Stevie Ray gegn Paul Felder
Millivigt: Jack Marshman gegn Ryan Janes
Léttþungavigt: Khalil Rountree gegn Paul Craig
Þungavigt: James Mulheron gegn Justin Willis
Fox Sports 1 upphitunarbardagar (hefjast kl 17)
Veltivigt: Danny Roberts gegn Bobby Nash
Fluguvigt: Alexandre Pantoja gegn Neil Seery
Veltivigt: Charlie Ward gegn Galore Bofando
Léttvigt: Danny Henry gegn Daniel Teymur
UFC Fight Pass upphitunarbardagar (hefjast kl 16)
Bantamvigt: Brett Johns gegn Albert Morales
Bantamvigt kvenna: Leslie Smith gegn Amanda Lemos
