0

Hvernig horfi ég á UFC 246?

UFC 246 fer fram í nótt í Las Vegas. Þeir Conor McGregor og Donald Cerrone mætast í aðalbardaga kvöldsins en hér eru leiðbeiningar um hvernig hægt er að horfa löglega á bardagakvöldið.

UFC er ekki lengur sýnt á Stöð 2 Sport en sýningarrétturninn hér á landi rann út um áramótin. Hægt er þó að horfa á UFC í gegnum Fight Pass rás UFC.

Til að horfa á UFC í gegnum Fight Pass þarf að gerast áskrifandi. Mánuður kostar 9,99 evrur (1.370 ISK) en ársgjaldið kostar 88,99 evrur (12.210 ISK) og er rukkað mánaðarlega. Hægt er að taka 7-daga prufuáskrift.

Á Fight Pass er hægt að horfa á öll bardagakvöld UFC í beinni. Þessi minni Fight Night kvöld eru ókeypis en alltaf þarf að greiða aukalega fyrir númeruðu bardagakvöldin (eins og UFC 246, UFC 247 o.s.fr.) þar sem þau eru á Pay Per View markaði. Alla upphitunarbardaga er hægt að sjá í beinni með áskrift af Fight Pass.

Hægt er að kaupa Pay Per View af bardagakvöldinu á Fight Pass rás UFC hér. Bardagakvöldið kostar um 30 evrur (4.100 ISK). Til að hægt sé að kaupa kvöldið þarf að vera áskrifandi af Fight Pass hjá UFC.

Fyrsti bardagi kvöldsins hefst á miðnætti en aðalhluti bardagakvöldsins (sá sem þarf að greiða sérstaklega fyrir) hefst kl. 3. Við vekjum athygli á að skipta þarf sérstaklega um hlekki á milli Fight Pass upphitunarbardaganna, ESPN+ upphitunarbardaganna og aðalhluta bardagakvöldsins.

Aðalhluti bardagakvöldsins (hefst kl. 3:00)

Veltivigt: Conor McGregor gegn Donald Cerrone
Bantamvigt kvenna: Holly Holm gegn Raquel Pennington
Þungavigt: Aleksei Oleinik gegn Maurice Greene
Bantamvigt: Brian Kelleher gegn Ode Osbourne
Léttvigt: Anthony Pettis gegn Carlos Diego Ferreira  

ESPN upphitunarbardagar (hefjast kl. 1:00)

Fluguvigt kvenna: Roxanne Modafferi gegn Maycee Barber
Fjaðurvigt: Andre Fili gegn Sodiq Yusuff
Fluguvigt: Tim Elliott gegn Askar Askarov
Léttvigt: Drew Dober gegn Nasrat Haqparast

UFC Fight Pass upphitunarbardagar (hefjast á miðnætti)

Léttþungavigt: Aleksa Camur gegn Justin Ledet
Fluguvigt kvenna: Sabina Mazo gegn JJ Aldrich

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.