Thursday, June 13, 2024
spot_img
HomeForsíðaJohn Hathaway meiddur - Gunnar Nelson án andstæðings á UFC 189

John Hathaway meiddur – Gunnar Nelson án andstæðings á UFC 189

Gunnar NelsonJohn Hathaway er meiddur og hefur dregið sig úr bardaganum gegn Gunnari Nelson þann 11. júlí á UFC 189. Gunnar Nelson er sem stendur án andstæðings en UFC mun reyna að finna andstæðing fyrir hann á næstu dögum.

Þetta eru afar leiðinlegar fréttir fyrir Hathaway og okkar mann enda var mikil tilhlökkun fyrir bardaganum. Hathaway hefur ekki barist í 16 mánuði og þarf að bíða enn lengur.

Þetta er í fjórða sinn sem Gunnar missir upprunalega andstæðing sinn í UFC vegna meiðsla. Enn sem komið er ekki búið að finna staðgengil fyrir Gunnar.

Erick Silva gæti verið laus en hann átti að berjast á bardagakvöldinu nú um helgina gegn Rick Story en vegna vandamála með vegabréfsáritun var bardaginn af borðinu. Erick Silva gæti fengið vegabréfsáritun í tæka tíð fyrir UFC 189.

Eðlilega eru ekki margir kostir í stöðunni þar sem afar stutt er í bardagann. Við munum flytja ykkur nánari fréttir af hugsanlegum andstæðingum síðar í kvöld.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular