Thursday, March 28, 2024
HomeErlentJohny Hendricks ætlar aftur niður í veltivigt

Johny Hendricks ætlar aftur niður í veltivigt

Johny Hendricks er ekki af baki dottinn þrátt fyrir sex töp í síðustu átta bardögum sínum. Nú langar hann að fara aftur niður í veltivigt eftir misheppnaða dvöl í millivigt.

Johny Hendricks var veltivigtarmeistari UFC árið 2014 en hefur verið í brasi undanfarin ár. Hendricks hefur lengi verið í vandræðum með vigtina og náði ekki vigt í tvígang í veltivigt og þá þurfti að hætta við viðureign hans og Tyron Woodley á sínum tíma vegna vigtunarvandræða Hendricks.

Í millivigt byrjaði hann á að vinna Hector Lombard en var svo rotaður tvo bardaga í röð. Honum mistókst meira að segja að ná vigt í millivigt fyrir bardagann gegn Tim Boetsch.

Nú er Hendricks samningslaus en segist vilja halda áfram að berjast í UFC og þá aftur í veltivigt. Hendricks segir að UFC sé á sama máli og býst við að semja aftur við UFC á næstunni en þetta lét hann eftir sér í viðtali við MMA Junkie Radio á dögunum.

Í maí 2017 sagði Hendricks að hann vildi aldrei berjast aftur í veltivigt á ferlinum. Nú er greinilega annað hljóð í honum og telur hann að ferlinum sé ekki lokið þrátt fyrir slæmt gengi.

Johny Hendricks ekki í toppformi.
Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular