Dana White hefur nú gefist upp á að fá Khabib Nurmagomedov til að berjast einu sinni enn. Khabib er formlega hættur og hefur gefið frá sér léttvigtarbeltið.
Þetta tilkynnti Dana White sjálfur á Twitter í nótt.
29-0 it is.
— danawhite (@danawhite) March 19, 2021
He is 💯 officially retired. It was incredible to watch you work @TeamKhabib thank you for EVERYTHING and enjoy whatever is next my friend. pic.twitter.com/QeoSP12zw2
Khabib greindi frá því sama skömmu síðar og er hann því formlega hættur í MMA.
Khabib greindi upphaflega frá ákvörðun sinni í október eftir sigur sinn á Justin Gaethje. Khabib sagðist ekki vilja berjast áfram án föður síns en hann lést í fyrrasumar. Dana White reyndi ítrekað að fá Khabib til að endurskoða ákvörðun sína og átti nokkra fundi með honum en allt kom fyrir ekki.
Khabib er 32 ára gamall og með bardagaskorið 29-0. Hann er ennþá einn sá allra besti í heimi í íþróttinni og var Dana því svo ákveðinn í að fá hann til að berjast aðeins lengur. Ákvörðun Khabib er nú endanleg eftir nokkurra mánaða eftirför Dana.
Khabib verður því sviptur léttvigtartitli sínum og verður nýr léttvigtarmeistari krýndur í maí. Þeir Michael Chandler og Charles Oliveira munu berjast um lausan titilinn á UFC 262 þann 15. maí.
Acknowledging Khabib's retirement, Dana White tells @bokamotoESPN that Charles Oliveira and Michael Chandler will fight for the vacant lightweight championship at UFC 262 on May 15 🏆 pic.twitter.com/tHCZz2TQqj
— ESPN MMA (@espnmma) March 19, 2021
Chandler átti frábæra frumraun í UFC þegar hann rotaði Dan Hooker snemma í 1. lotu fyrr á þessu ári. Hann var þrefaldur léttvigtarmeistari Bellator og fær nú tækifæri á að verða léttvigtarmeistari UFC.
Charles Oliveira hefur unnið átta bardaga í röð og nú síðast sigraði hann Tony Ferguson með miklum yfirburðum í desember. Þetta þýðir að bardagi Dustin Poirier og Conor McGregor verður ekki um titilinn en talið er líklegt að þeir mætist í júlí.
