Gunnar Nelson mætir Alan Jouban á UFC bardagakvöldinu á laugardaginn. Hér er Leiðin að búrinu fyrir bardagann.
Bardaginn fer fram í The O2 Arena í London og verður næstsíðasti bardagi kvöldsins. Þetta verður fyrsti bardagi Gunnars frá því hann vann Rússann Albert Tumenov í maí.
Nú er kominn tími á endurkomu Gunnars í búrið og fær hann verðugan andstæðing. Jouban hefur unnið þrjá í röð í UFC og er 6-2 í bardagasamtökunum rétt eins og Gunnar.
Í Leiðinni að búrinu hitum við upp fyrir bardagann en þar talar Gunnar um sinn síðasta bardaga og komandi bardaga gegn Jouban.
