Sigur Gunnars á Albert Tumenov hefur vakið mikla athygli. Fjölmiðlamaðurinn og greinandinn Luke Thomas fer ítarlega yfir bardaga hans í mánudsgsgreiningu sinni.
Luke Thomas greinir margt af því áhugaverðasta sem gerist eftir UFC bardagakvöld í Monday Morning Analysis þættinum sínum.
Í gær fór Luke Thomas yfir bardagann hjá Gunnari og þá sérstaklega glímuna. Gunnar náði Tumenov tvívegis niður og var lykillinn að því keðjufellur Gunnars að mati Thomas. Þar á Thomas við hvernig Gunnar skipti úr einni fellu yfir í aðra.
Thomas skoðar „mountið“ vel og segir þetta vera týnda list í MMA. Gunnar hefur alltaf verið góður í þessari stöðu og er einn sá besti í MMA í þessari stöðu. Thomas bendir á að hvert einasta smáatriði hafi verið framkvæmt rétt af Gunnari. Pressan frá tánum, mjaðmastaðan hans, olnbogar Gunnar – allt framkvæmt gríðarlega vel.
Greininguna má sjá hér að neðan.
