Max Holloway virðist vera á batavegi eftir að hann þurfti að hætta við bardaga sinn gegn Brian Ortega fyrr í mánuðinum. Holloway er enn í rannsóknum og óvíst er hvenær hann getur barist aftur.
Max Holloway þurfti óvænt að draga sig úr bardaga sínum gegn Brian Ortega á UFC 226 í júlí. Í fyrstu var talið að Holloway hefði fengið heilahristing en hann sýndi einkenni heilahristings nokkrum dögum fyrir UFC 226.
Það var í það minnsta eitthvað ekki í lagi hjá Holloway en ekki er vitað hvað sé nákvæmlega að hjá Holloway. Hann flaug á dögunum frá Havaí til meginlandsins í frekari rannsóknir en í færslu á Twitter segist hann vera á batavegi.
Holloway hefur ekki gefið það út hvað sé að hjá honum en ýmsar getgátur hafa verið á kreiki á undanförnu. Talað hefur verið um að Holloway hafi verið rotaður á æfingu í aðdraganda bardagans og þar af leiðandi fengið heilahristing. Aðrir segja að ástand hans sé vegna niðurskurðarins en Holloway þarf að skera mikið niður til að komast í fjaðurvigt.
Holloway hefur ekki átt gott ár en hann þurfti að hætta við bardaga sinn gegn Frankie Edgar í mars vegna meiðsla. Hann kom svo inn í bardaga gegn Khabib Nurmagomedov í léttvigt með sex daga fyrirvara en náði ekki að skera niður og var bannað að keppa.
Back on the mainland for more exams. Thanks @ufc and docs for following through to try and figure this out. Starting to feel better pic.twitter.com/aaXCGMpIgT
— Max Holloway (@BlessedMMA) July 19, 2018
