Conor McGregor átti fund með Dana White og Lorenzo Fertitta fyrr í vikunni. Í þessu stutta broti hér að neðan talar hann um fundinn og segir hann fundinn hafa gengið vel.
Dana White, forseti UFC, og Lorenzo Fertitta, einn af eigendum UFC, hafa eflaust haft nóg að ræða við McGregor. Írinn kjaftfori var tekinn af UFC 200 bardagakvöldinu eftir að hann vildi ekki sinna öllum kynningarskyldum sínum. Því hefur verið haldið fram að samband stjórnenda UFC við McGregor sé stirt en McGregor segir fundinn hafa gengið afar vel.
Viðtalið í heild sinni verður sýnt á sunnudaginn í þættinum SportsCenter á ESPN.
