Dana White, forseti UFC, var í SportsCenter á ESPN í gærkvöldi þar sem hann talaði um UFC 200, Conor McGregor gegn Nate Diaz og hvers má vænta á stóra bardagakvöldinu í sumar.
Eins og við greindum frá í gær staðfesti UFC loksins seinni bardaga McGregor og Diaz. Bardaginn verður aðalbardaginn á UFC 200 og þá munu þeir Frankie Edgar og Jose Aldo mætast um bráðabirgðartitilinn í fjaðurvigtinni sama kvöld. Bardagi Edgar og Aldo verður hins vegar ekki næstsíðasti bardagi kvöldsins (e. co-main event) og má því búast við einum stórum titilbardaga á UFC 200.
Í viðtalinu talar White um hve heltekinn McGregor var af Diaz bardaganum og vildi McGregor mæta Diaz strax aftur. Hvort sem McGregor vinni, tapi eða geri jafntefli mun hann fara aftur í fjaðurvigtina og verja titilinn sinn þar gegn sigurvegaranum úr viðureign Aldo og Edgar.
https://www.youtube.com/watch?v=wJmV95gVWew
