Tónlistarmaðurinn Emmsjé Gauti tók á dögunum skemmtilega glímu við trommarann Hrafnkel Örn Guðjónsson. Þeir Gauti og Keli hafa mismikla reynslu úr bardagaíþróttum en tóku skemmtilega glímu.
Emmsjé Gauti fer af stað í tónleikaferðalag í dag ásamtHrafnkeli (betur þekktur sem Keli) og Birni Vali DJ þar sem þeir spila á 13 tónleikum á 13 dögum. Gauti hefur verið að æfa í Mjölni fyrir tónleikaferðalagið og tók hann létta glímu við trommarann Kela. Gauti hefur smá reynslu úr jiu-jitsu á meðan reynsla Kela kemur aðallega úr UFC tölvuleiknum.
Keli reyndi ýmis bolabrögð og var með ágætis leikáætlun en á endanum var það reynsla Gauta sem skilaði sér til sigurs.
