Mjölnir flytur í glæsilegt húsnæði í Öskjuhlíðinni á næsta ári en þetta var tilkynnt á afmælishátíð Mjölnis í dag. Í lok kynningarinnar skilaði Conor McGregor kveðju og lofaði að koma með UFC-beltið í Mjölni á næsta ári.
Þeir Gunnar Nelson og Conor McGregor eru um þessar mundir í Los Angeles þar sem lokaundirbúningur þeirra fyrir UFC 194 fer fram.
Sjá einnig: Conor – Kem með beltið í nýju aðstöðuna 2016
Þann 12. desember mætir Conor McGregor Brasilíumanninum Jose Aldo og mun sigurvegarinn vera óumdeilanlegur fjaðurvigtarmeistari UFC. Sama kvöld mætir Gunnar öðrum Brasilíumanni, Demian Maia. Félagarnir skiluðu kveðju til Mjölnis og sagðist McGregor hlakka til að koma í Mjölni með beltið sitt.
