Nú styttist óðum í bardaga Gunnars Nelson gegn Alex ‘Cowboy’ Oliveira. Gunnar berst á UFC 231 þann 8. desember í Kanada og er Gunnar að leggja lokahönd á undirbúninginn.
Undirbúningur Gunnars fyrir bardagann hefur að öllu leyti farið fram hér á landi. Gunnar heldur svo út til Kanada á föstudaginn ásamt þjálfara.
Mjölnir sendir frá sér videoblogg í aðdraganda bardagans og er fyrsti þátturinn kominn út. Von er á fleiri þáttum á næstunni en í fyrsta þætti er kíkt á þrekæfingu hjá Gunnari. Fyrir þennan bardaga byrjaði Gunnar að vinna með styrktar- og þrekþjálfaranum Unnari Helgasyni og hefur Gunnar aldrei verið í betra formi.
