Gunnar Nelson heldur til Toronto í dag fyrir bardaga sinn gegn Alex Oliveira á UFC 231. Undirbúningnum hér heima er því lokið en nú eru aðeins átta dagar í bardagann.
Mjölnir sendir frá sér videoblogg í aðdraganda bardagans og er þáttur nr. 2 kominn út. Í þættinum er spjallað við Gunnar um æfingabúðirnar og hverjir það eru sem hafa verið að aðstoða hann í undirbúningnum. Gunnar hefur notið góðs af nokkrum erlendum bardagamönnum og fáum við að kynnast þeim betur í þættinum.
Sjá einnig – The Grind with Gunnar Nelson (1. þáttur)
Spennan er heldur betur farin að magnast fyrir bardagann en Gunnar hefur aldrei verið í jafn góðu formi og nú.
