USADA, sem sér um öll lyfjamál UFC, kíkti nýverið í heimsókn til Conor McGregor. Ferlið má sjá í nýjasta myndbandsbloggi hans, The Mac Life.
Conor McGregor er sem stendur í Las Vegas þar sem undirbúningur hans fyrir bardagann gegn Nate Diaz fer fram. Bardaginn fer fram á UFC 202 þann 20. ágúst og er aðalbardagi kvöldsins.
Með þessu nýjasta lyfjaprófi Conor hefur hann jafnað Holly Holm en þau eru þeir íþróttamenn sem oftast hafa farið í lyfjapróf hjá USADA eftir að samstarf þeirra við UFC hófst. Bæði hafa þau farið í 14 lyfjapróf á undanförnu ári.
