Annað kvöld fer UFC 179 fram þar sem Jose Aldo og Chad Mendes mætast um fjaðurvigtarbeltið. Bardagakvöldið fer fram í Rio de Janeiro í Brasilíu og hefst aðalhluti bardagakvöldsins kl 2 á Stöð 2 Sport. Hér eru nokkrar ástæður fyrir því af hverju þú ættir ekki að láta þetta kvöld framhjá þér fara.
Jose Aldo berst! Þrátt fyrir að hafa ekki alveg sýnt sömu takta í UFC líkt og í WEC (minni bardagasamtök sem UFC keypti) þá býr Aldo yfir þessari sérstöku áru sem trekkir að. Þetta er ára ósigranleika og geta aðdáendur búist við að sjá eitthvað ótrúlegt í búrinu líkt og þegar Anderson Silva var uppi á sitt besta. Þú vilt einfaldlega ekki missa af því að sjá Aldo berjast!- Nær Chad Mendes að hirða titilinn? Þetta verður í annað skipti sem þeir Aldo og Mendes mætast en í fyrri bardaganum á milli þeirra rotaði Aldo Mendes þegar 1 sekúnda var eftir að fyrstu lotu. Bardaginn var umdeildur í ljósi þess að í nokkur skipt greip Aldo í búrið sem hjálpaði honum að standa af sér fellutilraunir Mendes. Hefur Mendes bætt sig nógu mikið frá því hann mætti Aldo síðast eða mun Aldo ná að verja titil sinn í enn eitt skiptið?
- Hvernig kemur Glover Teixeira til baka? Brasilíumaðurinn Glover Teixeira mætti Jon Jones um léttþungavigtarbeltið í apríl á þessu ári og beið lægri hlut eftir dómaraákvörðun. Tapið var hans fyrsta í níu ár og verður gaman að sjá hvernig hann mun koma til baka eftir tapið.
- Wrestling vs. BJJ? Phil Davis var framúrskarandi glímumaður í bandarísku háskólaglímunni og var meistari í efstu deild í bandarísku háskólaglímunni. Glover Teixeira er gott svart belti í brasilísku jiu-jitsu en hann vann sér inn þátttökurétt á ADCC 2011 í Nottingham en mótið er sterkasta uppgjafarglímumót heims. Það verður því gaman að sjá þessa tvo ólíku glímustíla eigast við annað kvöld.
- Skemmtilegur glímubardagi: Annar skemmtilegur glímubardagi gæti átt sér stað milli Carlos Diego Ferreira og Beneil Dariush. Dariush er margverðlaunaður glímumaður og hlaut m.a. silfurverðlaun á heimsmeistaramótinu í brasilísku jiu-jitsu sem brúnbeltingur. Ferreira er enginn aukvissi sjálfur í gólfinu en hann hefur sigrað sex af sínum bardögum með uppgjafartaki og er annarrar gráðu svartbeltingur í jiu-jitsu. Vonandi verður þetta ekki slappur sparkbox bardagi eins og á til að gerast milli tveggja gólfglímukappa.
- Gilbert Burns berst sinn 2. UFC bardaga: Gilbert Burns er enn einn gólfglímusérfræðingurinn á þessu bardagakvöldi en hann mætir Christos Giagos í einum af upphitunarbardögum kvöldsins. Burns sigraði Mundials (heimsmeistaramótið í BJJ) árið 2011 og tók heimsmeistaratitil í nogi 2010 og 2013. Hann er gríðarlega spennandi bardagamaður og æfir hjá Blackzilians í Flórída.
Eigandi og ritstjóri vefsins www.mmafrettir.is
-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Viaplay
-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Viaplay
Latest posts by Pétur Marinó Jónsson (see all)
- Tappvarpið #141: Frábær sigur Gunnars og UFC 286 uppgjör - March 22, 2023
- Gunnar með flest uppgjafartök í sögu veltivigtarinnar - March 19, 2023
- Gunnar Nelson með sigur í 1. lotu - March 18, 2023
Nú hef ég ekki horft á Aldo vs Mendes lengi en greip hann ekki bara einu sinni í búrið? Hann stóð sig annars mjög vel í að stöðva glímuna hans Mendes fram að því (og var mjög snöggur að standa upp þegar Mendes náði honum niður). Spennandi bardagi en ég held að Aldo taki þetta aftur, nema þá að Mendes nái að þreyta hann og koma bardaganum í seinni loturnar.