Reykjavík MMA sendir einn keppenda á Evolution of Combat bardagakvöldið í Morecambe á laugardaginn.
Evolution of Combat 5 fer fram á laugardaginn á Englandi þar sem Alvaro Heredero Lopez frá Reykjavík MMA keppir. Alvaro keppti sinn fyrsta MMA bardaga í apríl þar sem hann tapaði eftir dómaraákvörðun. Andstæðingur hans er Joseph Butler en þetta verður fyrsti MMA bardagi hans.
Upphaflega áttu þeir Sigurður Óli og Krzysztof Porowski einnig að berjast á sama kvöldi. Sigurður meiddist hins vegar og þurfti að draga sig úr bardaganum en andstæðingur Krzysztof meiddist og gat ekki keppt. Reynt var að finna andstæðing fyrir Krzysztof en tókst ekki í tæka tíð.
Hægt er að kaupa streymi á bardagana hér en streymið kostar 6,99 pund (1.121 ISK). Uppröðun bardaganna má sjá hér að neðan en bein útsending hefst kl. 18:00.
