Spámaður helgarinnar að þessu sinni er bardagakappinn Bjarki Ómarsson. Bjarki er að fara að berjast í kvöld á Shinobi War 8 bardagakvöldinu í Liverpool.
Bjarki er mikill MMA áhugamaður og horfir á hvert einasta bardagakvöld. Bjarki telur að óvænt úrslit eigi sér stað í nótt.
Titilbardagi í veltivigt: Robbie Lawler gegn Tyron Woodley
Við erum búin að fá mikið af óvæntum úrslitum í titilbardögum á þessu ári og ég hef það á tilfinningunni að það muni halda áfram. Tyron Woodley mun sjokkera okkur og vinna Robbie Lawler með rothöggi í 2. lotu.
Strávigt kvenna: Rose Namajunas gegn Karolina Kowalkiewicz
Rose er uppáhalds kvenna fighterinn minn og tekur þetta í 2. lotu með uppgjafartaki.
Veltivigt: Matt Brown gegn Jake Ellenberger
Ég held að Jake Ellenberger sé alveg búinn á því greyið. Matt Brown er auðvitað algjört skrímsli og þetta gæti verið besti bardagi kvöldsins. Ég held að Matt Brown klári Ellenberger í 2. lotu.
Bantamvigt: Francisco Rivera gegn Erik Perez
Ég held að Francisco Rivera vinni þetta á stigum. Þetta verður nokkuð öruggur sigur en veit svo sem lítið um Perez. Þetta á eftir að haldast standandi að mestu leyti og Rivera sigrar örugglega eftir dómaraákvörðun.
