UFC 210 fer fram núna á laugardaginn í Buffalo í New York. Daniel Cormier mætir Anthony Johnson í aðalbardaga kvöldsins en hér má sjá Countdown þáttinn fyrir bardagakvöldið.
Þetta verður fyrsta titilvörn Cormier í 19 mánuði eða frá því hann sigraði Alexander Gustafsson í október 2015. Cormier átti auðvitað að mæta Jon Jones síðasta sumar en Jones féll á lyfjaprófi skömmu fyrir bardagann og kom Anderson Silva inn í staðinn. Sá bardagi var ekki titilbardagi.
Bardagi Cormier og Johnson er endurat frá viðureign þeirra í maí 2015. Þá sigraði Cormier með hengingu í 3. lotu eftir að hafa verið kýldur niður í 1. lotu.
https://www.youtube.com/watch?v=te3AakFySgA
Í næstsíðasta bardaga kvöldsins mætast þeir Gegard Mousasi og Chris Weidman í millivigt. Fyrrum millivigtarmeistarinn Weidman hefur tapað tveimur bardögum í röð á meðan Mousasi hefur sennilega aldrei verið betri.
https://www.youtube.com/watch?v=Xx_XEHyggDA
