UFC 226 fer fram á laugardaginn. Um er að ræða eitt stærsta bardagakvöld ársins þar sem sannkallaður ofurbardagi verður aðalbardagi kvöldsins.
Léttþungavigtarmeistarinn Daniel Cormier fer upp í þungavigt og skorar á meistarann Stipe Miocic í aðalbardaga kvöldsins. Cormier getur orðið sá 2. í sögunni til að verða meistari í tveimur þyngdarflokkum á sama tíma í UFC. Miocic hefur þrívegis varið þungavigtarbeltið sitt en það er met í UFC.
Í næstsíðasta bardaga kvöldsins mætast þeir Max Holloway og Brian Ortega. Holloway hefur unnið 12 bardaga í röð og mætir nú ungstirninu Brian Ortega. Ortega hefur átt frábæru gengi að fagna síðan hann kom í UFC en síðast sáum við hann rota Frankie Edgar í mars.
