Eins og við greindum frá fyrr í dag mun Johny Hendricks ekki keppa annað kvöld á UFC 192 eins og til stóð. Samkvæmt Dana White, forseta UFC, mun Tyron Woodley fá næsta titilbardaga í veltivigtinni.
Johny Hendricks og Tyron Woodley áttu að mætast annað kvöld í næstsíðasta bardaga kvöldsins. Hendricks er þekktur fyrir að skera mikið niður fyrir bardaga en í gærkvöldi sagði líkaminn hingað og ekki lengra. Hendricks er með þarmastíflu og nýrnasteina sem talið er að sé fylgikvilli niðurskurðarins. Hann var fluttur á bráðamóttöku í gærkvöldi og fékk næringu í æð.
Sigurvegarinn milli Hendricks og Woodley hefði líklegast fengið titilbardaga en þar sem Hendricks gat ekki keppt er Woodley nú kominn með titilbardagann. Hann mætir sigurvegaranum úr viðureign meistarans Robbie Lawler og Carlos Condit.
Just spoke with @danawhite and he said @TWooodley will get the title shot next, fighting Lawler-Condit winner. My post will be live soon.
— Kevin Iole (@KevinI) October 2, 2015
Samkvæmt Dana White er Johny Hendricks nú í millivigt. Þetta er nauðsynleg breyting fyrir hann og verður áhugavert að sjá hvernig honum mun vegna þar.
Also, @danawhite said he considers @JohnyHendricks a middleweight as of now. @MarcRatnerUFC confirmed JH was 20-25 pounds over on Tuesday — Kevin Iole (@KevinI) October 2, 2015
Hugsanlega eru dagar Hendricks taldir í veltivigtinni og gæti hann átt erfitt uppdráttar í millivigtinni gegn stærri andstæðingum.
