0

UFC hættir við bardaga Bisping og Georges St. Pierre

gsp michael bisping

Dana White, forseti UFC, greindi frá því í gær að bardagasamtökin hafi hætt við titilbardaga Georges St. Pierre gegn Michael Bisping. Yoel Romero fær næsta titilbardaga í millivigtinni.

Ekki mikil ánægja ríkti meðal bardagaaðdáenda þegar bardaginn var fyrst tilkynntur. Í mars tilkynnti UFC að Georges St. Pierre myndi fá næsta titilbardaga í millivigtinni án þess að vita hvenær og hvar bardaginn færi fram.

Í síðustu viku sagði Georges St. Pierre að hann gæti ekki barist við Bisping fyrr en í nóvember. Núna virðist UFC ekki ætla að bíða eftir fyrrum veltivigtarmeistaranum.

„Ég setti þennan GSP bardaga saman og við héldum blaðamannafund. Þetta átti að gerast í júlí. En Michael Bisping verður að verja titilinn sinn fljótlega, við ætlum ekki að bíða eftir GSP. Báðir vildu bardagann. Við báðum Yoel Romero að stíga til hliðar en nú lítur út fyrir að GSP bardaginn muni ekki eiga sér stað,“ sagði Dana White við FOX Sports í Ástralíu.

„Georges St. Pierre segist ekki vera tilbúinn fyrr en í nóvember. Hver veit hvort það standist? Hann gæti ekki verið tilbúinn fyrr en á næsta ári. Þannig að við ætlum ekki að bíða lengur eftir Georges St. Pierre. Við ætlum að halda áfram með flokkinn og Yoel Romero fær næsta titilbardaga.“

Ekki eru allir sannfærðir um að bardaginn sé enn af borðinu. Michael Bisping segist enn vilja mæta St. Pierre og kannski er Dana White bara að pressa á St. Pierre að taka bardagann fyrr.

UFC vantar enn aðalbardagann á UFC 213 í sumar og gætu þeir Bisping og Romero endað þar.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply