1

Anthony Pettis meiddur

Fyrrum léttvigtarmeistarinn Anthony Pettis mun ekki keppa gegn Myles Jury sökum meiðsla. Í hans stað kemur Edson Barboza en bardaginn átti að vera næstsíðasti bardagi kvöldsins á UFC on Fox bardagakvöldi þann 25. júlí.

Bardaginn gegn Jury átti að vera endurkoma hans eftir að hafa tapað titlinum til Rafael dos Anjos í mars. Pettis var staðráðinn í að berjast sem oftast á þessu ári enda hefur hann átt í miklum meiðslavandræðum á undanförnum árum. Hann sigraði léttvigtartitilinn í ágúst 2013 en hans fyrsta titilvörn fór ekki fram fyrr en í desember 2014. Pettis ætlaði sér því að berjast þrisvar á árinu í hið minnsta.

Rússinn Khabib Nurmagomedov og Anthony Pettis hafa átt í illvígum deilum á samfélagsmiðlum á undanförnum árum. Nurmagomedov átti að mæta Donald Cerrone á UFC 187 í maí en þurfti að draga sig úr bardaganum vegna meiðsla. Það kætti Pettis sem sagði þetta á Twitter:

Þarna var Pettis að svara eldri Twitter færslu Nurmagomedov frá því í ágúst 2014. khabib twitter

Þetta var slæm tímasetning hjá Pettis að skjóta á Nurmagomedov. Pettis er meiddur á olnboga og verður frá í 4-6 mánuði.

Nate Diaz blandaði sér svo í umræðuna:

Nurmagomedov vonaði þó að Pettis gæti jafnað sig á meiðslunum fljótt svo þeir gætu barist.

Þetta eru enn ein meiðslin sem stór nöfn UFC hafa orðið fyrir á síðustu mánuðum. Á þessu ári hefur UFC þurft að breyta 25 bardögum sem áttu ýmist að vera aðalbardagi kvöldsins eða næstsíðasti bardagi kvöldsins.

Pétur Marinó Jónsson
Latest posts by Pétur Marinó Jónsson (see all)

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay

One Comment

Leave a Reply

This site uses Akismet to reduce spam. Learn how your comment data is processed.