Undanúrslit Evrópumótsins í MMA fóru fram í dag og átti Ísland þrjá fulltrúa þar. Bjarki Þór Pálsson og Sunna Rannveig Davíðsdóttir eru bæði komin í úrslit.
Bjarki Þór mætti Bretanum Hardeep Rai. Bjarki sigraði með tæknilegu rothöggi í 3. lotu en hann hafði mikla yfirburði í bardaganum. Bjarki stjórnaði Rai í gólfinu og sigraði örugglega. Hann er því komin í úrslitin sem fara fram á morgun. Þetta var fjórði bardaginn hans á þremur dögum og hefur hann farið hamförum á mótinu.
#RING2 The UK’s Rai facing his greatest test so far against Iceland’s Palsson who displays speed, strength and accuracy.
— IMMAF (@IMMAFed) November 21, 2015
Sunna Rannveig Davíðsdóttir mætti hinni tékknesku Michaela Dostalova. Sunna var að hafa betur standandi og lagðist Dostalova á bakið (guard pull). Sunna komst fljótt í „mount“ þar sem hún raðaði inn höggunum þangað til dómarinn stoppaði þetta í fyrstu lotu. Sunna sigraði því með tæknilegu rothöggi og er komin í úrslit!
Sunna mætir Anja Saxmark frá Svíþjóð á morgun í úrslitunum.
Síðastur af Íslendingunum í dag var Pétur Jóhannes Óskarsson. Hann mætti Irman Smajic frá Svíþjóð í þungavigt. Eftir að hafa reynt að fara í fellu náði Smajic taki á hálsi Péturs og læsti standandi „guillotine“ hengingu. Pétur tappaði út og sigraði Svíinn eftir 1:56 í fyrstu lotu.
Þau Sunna Rannveig og Bjarki Þór eru því komin í úrslit í sínum flokkum sem er ótrúlegt afrek. Bjarki Þór keppir í veltivigt sem er stærsti flokkur mótsins en Sunna Rannveig keppir í fluguvigt.
Þetta er frábærar fréttir og sýnir hvessu hriklalega flottir bardagamenn og konur eru að springa út í Mjölni já um land allt geðveikt.