Hinn einhenti Nick Newell náði í sinn 13. sigur í gær á WSOF 24 í gær. Eftir bardagann tilkynnti hann að þetta væri hans síðasti bardagi í ferlinum.
Nick Newell lauk ferlinum með bardagaskorið 13-1 en hann er 29 ára gamall. Eina tapið hans kom gegn Justin Gaethje um léttvigtarbelti WSOF.
Sjá einnig: Einhenti bardagamaðurinn Nick Newell
Þegar Newell fæddist vantaði á hann neðri hlutann af vinstri handlegg hans. Hann lét það aldrei hafa mikil áhrif á sig og æfði glímu á skólaárum sínum. Hann einblíndi á að vera enn tæknilegri en andstæðingar sínir vegna fötlun sinnar. Af 13 sigrum hans komu átta eftir uppgjafartök. Newell getur vel við unað eftir góðan feril og hefur veitt mörgum innblástur.
Newell var gráti næst þegar hann tilkynnti ákvörðun sína eins og sjá má í viðtalinu hér að neðan.
https://www.youtube.com/watch?v=RBAaAr7S-1E
