Í kvöld átti sér sögulegur atburður í brasilísku jiu-jitsu á Íslandi. Gunnar Nelson gráðaði fjóra svartbeltinga í Mjölni fyrr í kvöld.
Þetta er í fyrsta sinn sem Gunnar Nelson gefur svart belti. Þeir Axel Kristinsson, Bjarni Baldursson, Sighvatur Magnús Helgason og Þráinn Kolbeinsson fengu allir svarta beltið sitt í kvöld. Gunnar er 2. gráðu svartbeltingur undir Renzo Gracie en hann fékk svarta beltið sitt árið 2009.
Fjöldinn allur af beltum var afhentur í Mjölni í kvöld í svo kallaðri járnun. Þeir Eiður Sigurðsson og Ómar Yamak fengu brún belti og þá voru fjölmörg fjólublá belti og blá belti afhent í kvöld.
Fjöldi Íslendinga sem hefur fengið svart belti í brasilísku jiu-jitsu nánast tvöfaldaðist því í kvöld. Áður höfðu þeir Gunnar Nelson, Haraldur Þorsteinsson, Kári Gunnarsson, Arnar Freyr Vigfússon og Ingþór Örn Valdimarsson verið gráðaðir í svart belti.
Við óskum öllum beltishöfum í kvöld til hamingju með beltin sín.
