0

Germaine de Randamie: Hafði ekki hugmynd um að ég yrði svipt titlinum

Eins og kom fram í gær hefur Germaine de Randamie verið svipt fjaðurvigtartitli kvenna í UFC. Tíðindin komu fáum á óvart nema kannski meistaranum sjálfum.

UFC tilkynnti í gær að þær Cris ‘Cyborg’ Justino og Megan Anderson muni berjast um fjaðurvigtartitilinn þann 29. júlí. Í kjölfarið var de Randamie svipt titlinum sem hún vann í febrúar. De Randamie neitaði að berjast við Cyborg á dögunum og var þess vegna svipt titlinum.

Sjálf segist de Randamie vera hissa á þessu. „Ég hafði ekki hugmynd um að ég væri svipt titlinum. Ég komst af því á samfélagsmiðlum. Þar sá ég að Cyborg væri að fara að berjast við Megan Anderson um beltið. Það sagði enginn mér neitt,“ sagði de Randamie við MMA Fighting.

Þetta er ekki í fyrsta sinn sem UFC er ekki að láta bardagamenn sína vita af svona löguðu. Þetta ætti samt ekki að koma henni það mikið á óvart enda hefur hún áður sagst vera tilbúin til að bíða og sjá hvort UFC svipti hana titlinum áður en hún tæki næstu skref.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.