Þeir Eiður Sigurðsson og Sigurvin Eðvarðsson úr Mjölni kepptu á NAGA glímumótinu í Þýskalandi á laugardaginn.
Mótið fór fram í Limburg í Þýskalandi og var bæði keppt í galla og án galla (nogi). Eiður keppti í efsta styrkleikaflokki (allir sem hafa æft í fimm ár eða meira) í -89,9 kg flokki. Eiður er brúnt belti í brasilísku jiu-jitsu og náði fjórða sætinu í sínum flokki í nogi. Eiður þurfti hins vegar að sætta sig við tap í fyrstu umferð í gi og kemur heim reynslunni ríkari eftir fimm keppnisglímur.
Sigurvin Eðvarðsson, fjólublátt belti, keppti í -79,9 kg flokki í 30 til 35 ára aldursflokki í efsta styrkleikaflokki. Sigurvin hafnaði í 4. sæti í nogi en gerði vel í að ná bronsinu í gi.
