Gunnar Nelson var ekki lengi að afgreiða Bryan Barberena á UFC 286. Gunnar kláraði Barberena með armlás í 1. lotu.
Bardaginn fór fram í veltivigt og var þriðji síðasti bardaginn á UFC 286 í London. Gunnar fékk frábærar móttökur frá áhorfendum í O2 höllinni og átti greinilega marga stuðningsmenn í höllinni.
Barberena byrjaði á nokkrum lágspörkum en Gunnar hélt sig fyrir utan. Gunnar stökk í „clinchið” og náði „bodylock” upp við búrið. Gunnar var þolinmóður en náði að lyfta Barberena upp og koma honum í gólfið.
Þegar í gólfið var komið var þetta aldrei spurning. Gunnar náði nokkrum olnbogum og komst í „mount” þegar skammt var eftir af 1. lotu. Þar sem lítið var eftir af lotunni fór Gunnar í armlás og kláraði þegar 9 sekúndur voru eftir af 1. lotu.
Frábær sigur hjá Gunnari og er hann núna kominn með tvo sigra í röð.
