Halldór Sveinsson var um helgina gráðaður í svart belti í brasilísku jiu-jitsu. Halldór er 16. Íslendingurinn sem fær svart belti í íþróttinni.
Halldór fékk svarta beltið sitt frá Pedro Sauer en gráðunin fór fram í höfuðstöðvum Pedro Sauer í Bandaríkjunum um helgina. Pedro Sauer er 8. gráðu svart belti undir Rickson Gracie og nokkrum sinnum komið til Íslands til að halda námskeið. Þá var bardagaklúbbur hér á landi kenndur við hann í nokkur ár.
Hér á Íslandi æfir Halldór í VBC í Kópavogi. Aðrir sem hafa hlotið þann heiður að fá svart belti í brasilísku jiu-jitsu eru þeir Haraldur Þorsteinsson, Gunnar Nelson, Axel Kristinsson, Bjarni Baldursson, Sighvatur Magnús Helgason, Þráinn Kolbeinsson, Arnar Freyr Vigfússon, Kári Gunnarsson, Ingþór Örn Valdimarsson, Jóhann Eyvindsson, Daði Steinn Brynjarsson, Ómar Yamak, Halldór Logi Valsson, Birkir Freyr Helgason og Jósep Valur Guðlaugsson.
