Magnús ‘Loki’ Ingvarsson fékk andstæðing í tæka tíð. Upprunalegi andstæðingur Magnúsar datt út og tókst að finna staðgengil á síðustu stundu.
Magnús ‘Loki’ Ingvarsson (2-0 sem atvinnumaður) keppir á Vison MMA Combat bardagakvöldinu í Carlisle á laugardaginn. Eftir að upprunalegi andstæðingur Magnúsar datt út tókst loksins að finna andstæðing nú á fimmtudaginn. Sá heitir Dan Ballard (0-1 sem atvinnumaður) en bardaginn fer fram í hentivigt.
Bardagakvöldið í Carlisle verður sýnt beint á Facebook síðu Reykjavík MMA en auk Magnúsar keppa þeir Aron Leó Jóhannsson (einnig úr RVK MMA) og Mel Már Halidesson úr Iceland Combat Arts. Á Ambition Fight Series eru svo fjórir aðrir Íslendingar að keppa í London þannig að það verður nóg um að vera á laugardaginn.
