Mjölnir Open fer fram í dag í húsakynnum Mjölnis í 13. sinn. 55 keppendur eru skráðir til leiks í ár frá fimm félögum.
Mótið er nokkurs konar óopinbert Íslandsmeistaramót í nogi glímu (án galla) og má gjarnan sjá færasta glímufólk landsins á mótinu.
Keppt er í fjórum þyngdarflokkum karla og tveimur þyngdarflokkum kvenna auk opinna flokka. Sighvatur Magnús Helgason og Ólöf Embla Kristinsdóttir unnu opnu flokkana í fyrra en þau eru hvorugt skráð til leiks í ár. Enginn af fyrri sigurvegurum opnu flokkanna undanfarin 13 ár eru skráðir til leiks í ár og verða því nýir meistarar í opnu flokkunum að þessu sinni.
Keppni hefst kl. 11 í dag og kostar 500 kr. inn.
