Demian Maia, sem hefur verið nefndur sem mögulegur andstæðingur Gunnars Nelson, verður frá í óakveðinn tíma eftir að hafa fengið sýkingu í lærið. Þetta kom fram í þættinum UFC Tonight í gærkvöldi.
Sýkingin er svo kölluð staph sýking og getur verið mjög smitandi. Á myndinni hér að ofan má sjá mynd af vinstra læri Maia.
Demian Maia sigraði Neil Magny með uppgjafartaki þann 1. ágúst. Hann hefur verið nefndur sem mögulegur andstæðingur Gunnars en sagði þó eftir Magny bardagann að hann vilji helst einhvern sem er fyrir ofan hann á styrkleikalistanum.
Eftir þessar fréttir er nánast hægt að útiloka að Maia verði á Dublin bardagakvöldinu. Eins og við greindum frá fyrr í vikunni hefur reynst erfitt að finna andstæðing fyrir Gunnar á bardagakvöldinu í Dublin.
