Gunnar Nelson var gestur í The MMA Hour hjá Ariel Helwani fyrr í dag. Gunnar spjallaði við hann frá hótelinu sínu í Kanada en Gunnar hélt utan á föstudag.
Gunnar mætir Alex Oliveira á UFC 231 í Toronto á laugardaginn. Þáttur Ariel Helwani er einn sá vinsælasti í MMA heiminum. Helwani starfar hjá ESPN og var dagskrá þáttarins þéttskipuð í dag. Auk Gunnars voru þeir Max Holloway og Brian Ortega en þeir berjast í aðalbardaganum á UFC 231.
Í viðtalinu talaði Gunnar um æfingarnar hjá Unnari Helgasyni en Gunnar er í fyrsta sinn með styrktar- og þrekþjálfara. Mynd af honum í fantaformi vakti athygli um helgina.
View this post on Instagram
One week? _ _ _ #UFC231 #MjolnirMMA #MjolnirStore #Sportvörur #2XU #BaklandMgmt
Þá sagði Gunnar að hann væri lítið að hugsa um tapið gegn Santiago Ponzinibbio en trúir því að hann fái annað tækifæri gegn honum einn daginn. Gunnar er ekki mikið að fylgjast með Ponzinibbio og sagðist ekki vita hvort Ponzinibbio hefði verið að pota í einhverja að undanförnu.
Gunnar segist hafa eitthvað að sanna enda mikilvægur bardagi en er þó bara eins og hver annar bardagi þar sem hann gerir bara sitt.
