Gunnar Nelson er staddur í Los Angeles um þessar mundir þar sem lokaundirbúningur hans fyrir UFC 194 fer fram. Hann svaraði spurningum blaðamanna á sérstökum fjölmiðlahádegisverði ásamt Artem Lobov í gær.
Gunnar mætir Demian Maia á UFC 194 í næstu viku. Gríðarleg eftirvænting ríkir eftir bardaganum en á sama kvöldi berst Conor McGregor við Jose Aldo.
Artem Lobov var í 22. seríu The Ultimate Fighter sem er í sýningu um þessar mundir. Lobov kemur frá SBG liðinu og hefur því lengi æft með McGregor og Gunnari.
