UFC 230 fer fram í kvöld þar sem Daniel Cormier mætir Derrick Lewis í aðalbardaga kvöldsins. Bellator bardagamaðurinn Luka Jelčić er spámaður helgarinnar að þessu sinni.
Luka Jelčić (10-3) er króatískur bardagamaður sem flutti hingað til lands til að æfa í Mjölni. Hann og Gunnar Nelson hafa lengi æft saman hjá SBG í Dublin en nú hefur Luka ákveðið að setjast að hér á landi.
Luka berst í Bellator og er með bardaga á döfinni sem nánar verður greint frá á næstunni.
Luka fylgist vel með MMA heiminum en hér birtir hann spá sína fyrir UFC 230 sem fram fer í nótt.
